Too paas bhii ho to dil beqaraar apnaa hai
K ham ko teraa nahiiN intazaar apnaa hai
Mile koyii bhi teraa zikr chheR dete haiN
K jaise saaraa jahaaN raazdaar apnaa hai
Vo door ho to bajaa tark E dostii ka Khayaal
Vo saamane ho to kab iKhtiyaar apnaa hai
Zamaane bhar ke dukhoN ko lagaa liya dil se
Is aasare pe K ek Gham-gusaar apanaa hai
‘Faraz’ raahat E jaaN bhii vohii hai kyaa kiije
Vo jis ke haath se siinaa figaar apnaa hai …!!
No comments:
Post a Comment
Thanks for your feedback