JahaaN kharaab sahi hum, badan.......

JahaaN kharaab sahi hum, badan dareedaa sahi
Teri talaash me  nikle haiN,  paa bureedaa sahi

Jahaan E she’r  meN meri kayee riyaasateN haiN!
MaiN apne shahr me gumnam O na shuneedaa sahi

Bhale hi chhaaoN na de, aasraa to detaa hai
Ye aarzu ka shajar hai, khazaaN raseedaa sahi

Inhi  bujhi  hui  aankhoN  me  khaab utreNge
YaqiN na chhor, ye bimaar O shab gazeedaa sahi

DiloN ko joRne waali Ghazal salaamat hai
Ta’alluqaat hamaare agar kasheedaa sahi

Mere beGhair har ek daastaaN adhoori si
MaiN us kitaab me ek lafz E khat-kasheeda sahi